សមាគមសហគ្រិនវ័យក្មេងកម្ពុជា បានផ្តួចផ្តើម និងអនុវត្ត កម្មវិធីលទ្ធភាពទទួលបានហិរញ្ញវត្ថុសម្រាប់សហគ្រាស ធុនមីក្រូ តូច និងមធ្យម (AFP) ដោយមានការសហការឧបត្ថម្ភថវិកាពីសហគ្រិនខ្មែរ និងគម្រោងមូលនិធិទឹកប្រាក់ចំនួន១លានដុល្លា ររបស់ក្រុមហ៊ុនស្មាត ដើម្បីប្រឆាំងវីរុសកូវីដ-១៩ ក្នុងគោលបំណងផ្តល់ជំនួយបច្ចេកទេសទៅកាន់សហគ្រាសធុនមីក្រូ តូច និង មធ្យម ក្នុងការដាក់ពាក្យកម្ចីទៅស្ថាប័នហិរញ្ញវត្ថុនានា។

រយៈពេល១៦ខែ ក្រោយកិច្ចដំណើរការកម្មវិធី AFP សហគ្រិនចំនួន ២៣២នាក់ បានចូលរួមក្នុងកម្មវិធី និងបានទទួលទឹកប្រាក់កម្ចីចំនួន ៩៨០ ០០០ ដុល្លា ដែលផ្តល់ដោយស្ថាប័នហិរញ្ញវត្ថុ។ ក្រៅពីបានទទួលកម្ចីហិរញ្ញវត្ថុ ស្គ្រិនទាំងអស់ បានទទួលការកសាងសមត្ថភាព តាមរយៈវគ្គបណ្តុះបណ្តាលអំពីការគ្រប់គ្រងសាច់ប្រាក់ ទុកបង្វិល ពិសេសការស្វែងយល់អំពីរបាយការណ៍ហិរញ្ញវត្ថុរបស់សហគ្រាសធុនមីក្រូ តូច និងមធ្យម (MSMEs)។ ដោយឡែក សហគ្រិនចំនួន ២៧នាក់ នៃសហគ្រិនសរុប បានទទួលជំនួយបច្ចេកទេសក្នុងការរៀបចំរបាយការណ៍ហិរញ្ញវត្ថុ និងអភិវឌ្ឍន៍ប្រព័ន្ធហិរញ្ញវត្ថុ ដែលបានផ្តល់ដោយក្រុមហ៊ុនបញ្ជី។

បន្ថែមពីកិច្ចការសម្របសម្រួល និងផ្តល់ជំនួយបច្ចេកទេសជូនដល់សហគ្រិន សមាគមសហគ្រិនវ័យក្មេងកម្ពុជាបានសម្រេចលទ្ធផលសំខាន់ៗដូចខាងក្រោម៖
– ផលិតសៀវភៅតូចអំពីមង្គុទេសធនាគារ ដែលផ្តល់ព័ត៌មានសំខាន់ៗដល់សហគ្រិនស្តីពីកម្ចីធុរកិច្ច និងMSMEs ដែលផ្តល់ភាពងាយស្រួលក្នុងការប្រៀបធៀបផលិតផលកម្ចី។ នេះគឺជាធាតុយ៉ាងសំខាន់ក្នុងការសម្រេចចិត្តដាក់សំណើកម្ចីទៅធនាគារណាមួយស្របនឹងលក្ខខណ្ឌរបស់សហគ្រិន។
– កិច្ចសហការជាមួយគ្រឹះស្ថានហិរញ្ញវត្ថុចំនួន៤ដែលផ្តល់កម្ចីពិសេសដល់សហគ្រិន
– រៀបចំសិក្ខាសាលាផ្សព្វផ្សាយព័ត៌មានអំពីកម្ចី ដោយមានវត្តមានពីអ្នកតំណាងមកពីធនាគារផ្សេងៗ ដើម្បីផ្តល់ព័ត៌មាន និងខ្លឹមសារសំខាន់ៗជូនដល់សហគ្រិន ក្នុងការត្រៀមលក្ខណៈដាក់ពាក្យកម្ជី។ ព័ត៌មានទាក់ទងនឹងឯកសារទាមទាពីធនាគារ ផលិតផលកម្ចីរបស់ធនាគារ លក្ខខណ្ឌតម្រូវផ្សេងៗដែត្រូវបំពេញ និងកញ្ចប់សេវាកម្មនានាជូនដល់សហគ្រិនផងដែរ។
ដោយមានកាគាំទ្រពីគណៈកម្មាធិការទី១ (គណៈកម្មធិការ ហិរញ្ញប្បទាន និងវិនិយោគសម្រាប់សហគ្រាស ខ្នាតមីក្រូ តូច និងមធ្យម) របស់សមាគមសហគ្រិនវ័យក្មេងកម្ពុជា សមាគមនឹងបន្តអនុវត្តកម្មវិធីលទ្ធភាពទទួលបានហិរញ្ញវត្ថុនេះបន្ថែមទៀត រួមមាន គម្រោងមូលិធិពិសេសសម្រាប់សហគ្រិន ការធ្វើបច្ចប្បន្នភាពកូនសៀវភៅស្តីអំពីមង្គុទេសធនាគារ ដោយដាក់បញ្ជូលបន្ថែមស្ថាប័នហិរញ្ញវត្ថុ និងកម្មវិធីកសាងសមត្ថភាពជុំវិញការគ្រប់គ្រងហិរញ្ញវត្ថុរបស់សហគ្រិន។
អំពី សមាគមសហគ្រិនវ័យក្មេងកម្ពុជា (YEACវ៉ាយអ៊ីអេស៊ី)

សមាគមសហគ្រិនវ័យក្មេងកម្ពុជា (YEAC វ៉ាយអ៊ីអេស៊ី) ត្រូវបានបង្កើតឡើងនៅ ខែកញ្ញា ឆ្នាំ ២០០៩ ដោយក្រុមសហគ្រិនវ័យក្មេង ដែលមកពីវិស័យអាជីវកម្មផ្សេងៗគ្នា នៅក្នុងប្រទេសកម្ពុជា។ សមាគមសហគ្រិនវ័យក្មេងកម្ពុជា បង្កើតឡើងជាសមាគម មិនរកប្រាក់ចំណេញ ដែលផ្តល់អំណាចដល់សហគ្រិនវ័យក្មេង ជាពិសេសសហគ្រិនស្ត្រី តាមរយៈការបង្កើតវេទិកា ការចងក្រង និងការពង្រឹងបណ្តាញសហគ្រិន ការចែករំលែកការរៀនសូត្រពីធុរកិច្ច និងការបង្កើតនូវឱកាសអាជីវកម្មនានា ក្នុងគោលដៅបង្កើនផលិតភាព បង្កើតការងារ អភិវឌ្ឍសេដ្ឋកិច្ចជាតិ និងកសាងសមត្ថភាពអ្នកជំនាន់ក្រោយសម្រាប់សេដ្ឋកិច្ចកម្ពុជា។

សមាគមសហគ្រិនវ័យក្មេងកម្ពុជាមានបេសកកម្មធ្វើការក្នុងភាពជាដៃគូសហការជាមួយអ្នកពាក់ព័ន្ធនានា ដើម្បីធានាអោយមានការប្រកួតប្រជែងថ្នាក់តំបន់ លើធុរកិច្ចបែបបច្ចេកវិទ្យាឌីជីថល អាជីវកម្មបែបពេញលេញ ការច្នៃប្រឌិត និងការតបង្កើតថ្មី របស់សហគ្រាសធុនមីក្រូ តូចនិងមធ្យម (MSMEs) នៅក្នុងប្រទេសកម្ពុជា។ បច្ចុប្បន្នសមាគមសហគ្រិនវ័យក្មេងមានសមាជិកចំនួន៤០០ ដែលជាម្ចាស់អាជីវកម្មខ្នាតតូច និងមធ្យម។ សមាគមមានសាខាតាមខេត្តចំនួន៤ គឺកំពង់ចាម សៀមរាប បាត់ដំបង និងបន្ទាយមានជ័យ។ សមាគមគ្រោងនឹងពង្រីកទៅកាន់ខេត្តផ្សេងទៀត ជាពិសេសខេត្តតាមបណ្តាមាត់សមុទ្រ និងខេត្តមួយចំនួនដែលមានសក្តានុពលខ្ពស់ និងមានធុរកិច្ចច្រើន៕
ព័ត៌មានបន្ថែមសូមទាក់ទងតាមរយៈលេខទូរស័ព្ទ ០៩៦ ៣៣៤ ៨៩៣៥

❓ តើគន្លឹះសំខាន់ក្នុងការអភិវឌ្ឍអាជីវកម្ម សហគ្រិនត្រូវការជំនាញអ្វីខ្លះ?👨‍🎓

តោះ! ចូលរួមទាំងអស់គ្នា! “ជំនួបសហគ្រិនវ័យក្មេងលើកទី១ ឆ្នាំ ២០២៥”🧑‍💻

✅ ស្វែងយល់ពីកម្មវិធីអភិវឌ្ឍន៍ជំនាញសហគ្រិនវ័យក្មេង
✅ ចូលរួមប្រឹក្សាយោបល់លើផែនការយុទ្ធសាស្ត្រសមាគម ២០៣០
✅ ជាសក្ខីភាពក្នុងពិធីចុះអនុស្សារណៈរវាងសមាគម និងស្ថាប័នដៃគូ
✅ ពិសាអាហារពេលល្ងាច និងកសាងបណ្ដាញអាជីវកម្ម
✅ ទទួលបានលិខិតបញ្ជាក់សមាជិកភាព ២០២៥

❗️ចំនួនអ្នកចូលរួមមានកំណត់

អំពីកម្មវិធី៖
🗓ថ្ងៃទី០៦ ខែមីនា ឆ្នាំ២០២៥
🕑ចាប់ពីម៉ោង ០២៖០០ រសៀលដល់ម៉ោង ៨៖០០ យប់
📍ទីតាំង៖ សណ្ឋាគារអូឡាំព្យាសុីធី

ទិវាសហគ្រិនភាពកម្ពុជា ២០២៤
សមាគមសហគ្រិនវ័យក្មេងកម្ពុជា (YEAC) កំពុងសហការជាមួយអង្គការបណ្តាញសហគ្រិនភាពសកល-កម្ពុជា (GEN Cambodia) និងស្ថាប័នរដ្ឋ ឯកជន និងដៃគូអភិវឌ្ឍ រៀបចំ “ទិវាសហគ្រិនភាពកម្ពុជា ២០២៤” នៅក្នុងខែវិឆ្ឆិកា ឆ្នាំ២០២៤ ខាងមុខនេះ ក្រោមប្រធានបទ “វិនិយោគលើសហគ្រិនវ័យក្មេងដើម្បីសេដ្ឋកិច្ចប្រកបដោយថាមវន្ត និងបរិយាបន្ន”។

ទិវានេះតែងតែត្រូវបានប្រទេសជាច្រើនរៀបចំឡើងក្នុងខែវិច្ឆិកាដូចៗគ្នា ប្រមាណជាជាង ២០០ ប្រទេស ហើយមានអ្នកចូលរួមសរុបប្រហែល ១០ លាននាក់ ដើម្បីចូលរួមក៏ដូចជាផ្សារភ្ជាប់បណ្ដាញសហគ្រិន ជាមួយនឹងអ្នកដែលមានសក្ដានុពល អ្នកបណ្ដុះបណ្ដាល និងអ្នកវិនិយោគ។

តើអ្នកបានត្រៀមខ្លួនដើម្បីចូលរួមរួចរាល់ហើយរឺនៅ?

#Entrepreneurship #CED #CambodiaEntrepreneurshipDay #CEDCambodia #Business #YEACambodia #YoungEntrepreneurs

(English) ចូលរួមទទួលទានកាហ្វេក្នុងកម្មវិធីកិច្ចសន្ទនាកាហ្វេ (Friday Coffee Talk)

ដើម្បីផ្សារភ្ជាប់ទំនាក់ទំនង បង្កើតបណ្តាញអាជីវកម្ម  និងទទួលបានព័ត៌មានផ្សេងៗសម្រាប់អាជីវកម្មរបស់អ្នកជាមួយ អ្នកស្រី ប៉ោ ជូ ដែលនឹងចែករំលែកពីប្រធានបទ៖ ឱកាសទីផ្សារ។

កាលបរិច្ឆេទ៖ ថ្ងៃសុក្រ ទី២៣ ខែសីហា ឆ្នាំ២០២៤
វេលាម៉ោង៖ ២:០០ ដល់ ៥:០០នាទីល្ងាច
ទីតាំង៖ YEDC Office & Zoom

(English) ចុះឈ្មោះចូលរួមឥឡូវនេះដោយឥតគិតថ្លៃ!

ចូលរួមទទួលទានកាហ្វេក្នុងកម្មវិធីកិច្ចសន្ទនាកាហ្វេ (Friday Coffee Talk) ដើម្បីផ្សារភ្ជាប់ទំនាក់ទំនង បង្កើតបណ្តាញអាជីវកម្ម  និងទទួលបានព័ត៌មានផ្សេងៗសម្រាប់អាជីវកម្មរបស់អ្នកជាមួយ លោកស្រី ប្រាក់ ច័ន្ទភ័ស្តា ដែលនឹងចែករំលែកពីប្រធានបទ៖ ឱកាសទទួលបានថវិកាគាំទ្រពីអង្គការយេនឌ័រ និងអភិវឌ្ឍន៍ដើម្បីកម្ពុជា។

កាលបរិច្ឆេទ៖ ថ្ងៃសុក្រ ទី២៦ ខែកក្កដា ឆ្នាំ២០២៤
វេលាម៉ោង៖ ៨:០០ ដល់ ៩:៣០នាទីព្រឹក
ទីតាំង៖ YEDC Office & Zoom

(English)

កម្មវិធីប្រកួតពានរង្វាន់ សហគ្រិនខ្មែរ ​សហគ្រាសធុនតូច​ និងមធ្យម ត្រូវបានរៀបចំដោយ សហគ្រិនខ្មែរ ក្នុងគោលបំណង​ ដើម្បីលើកកម្ពស់ វប្បធម៌សហគ្រិនភាព និងធ្វើឱ្យបណ្តាញទំនាក់ទំនងក្នុងចំណោមតួអង្គសកម្មទាំងអស់នៅក្នុងប្រព័ន្ធអេកូឡូស៊ីប្រសើរឡើង​ និងជាពិសេសផ្ដល់ការគាំទ្រដល់សហគ្រាសធុនតូច​ និងមធ្យមទូទាំងប្រទេសកម្ពុជា ដែលមកពីគ្រប់វិស័យ។

លក្ខខណ្ឌនៃការចូលរួម៖

• មានសញ្ជាតិខ្មែរ​

• ជាស្ថាបនិក /សហស្ថាបនិក ឬប្រធានគ្រប់គ្រង (លិខិត​បញ្ជាក់ផ្ទេរសិទ្ធចូលរួមប្រកួតក្នុងករណីអ្នកចូលរួមមិនមែនជាស្ថាបនិក /សហស្ថាបនិក)

• ជាអាជីវកម្មបង្កើតក្នុងស្រុក​

• អាយុកាលនៃអាជីវកម្មចាប់ពី៣ឆ្នាំឡើងទៅ​

• មានពេលវេលាគ្រប់គ្រាន់ក្នុងការ​ចូលរួមវគ្គត្រៀមខ្លួនក្នុងការប្រកួត

• មានការតាំងចិត្តខ្ពស់ និងមានសុក្រិតភាព

អត្ថប្រយោជន៍នៃការចូលរួម៖

• ឱកាសក្នុងការចូលរួមវគ្គត្រៀមខ្លួនប្រកួតដើម្បីពង្រឹងអាជីវកម្ម

• ឱកាសបង្កើនដៃគូសហការអាជីវកម្ម

• ក្លាយជាសមាជិកនៃបណ្ដាញសហគ្រិនខ្មែរ​

• ឈ្នះប្រាក់រង្វាន់សរុបប្រមាណ ១១០លានរៀល ទៅតាមជ័យលាភី

កាលបរិច្ឆេទសំខាន់ៗ

• ថ្ងៃទី២៦-២៧ ខែសីហា ឆ្នាំ២០២៤ វគ្គត្រៀមខ្លួនក្នុងការប្រកួតជម្រុះ

• ថ្ងៃទី១១ ខែកញ្ញា ឆ្នាំ២០២៤ វគ្គប្រកួតជម្រុះ

• ថ្ងៃទី២៨-២៩ ខែកញ្ញា ឆ្នាំ២០២៤ វគ្គត្រៀមខ្លួនក្នុងការប្រកួតផ្តាច់ព្រ័ត្រ

• ថ្ងៃទី០៩ ខែតុលា ឆ្នាំ២០២៤ វគ្គប្រកួតផ្ដាច់ព្រ័ត្រ

***ចំណាំ

• បេក្ខជនដែលបានបំពេញឯកសារគ្រប់គ្រាន់នឹងមានអាទិភាពក្នុងវគ្គវាយតម្លៃ

• បេក្ខជនត្រូវបំពេញរាល់ចំណុចទាំងអស់ដែលមានសញ្ញាផ្កាយពណ៌ក្រហម បើពុំដូច្នោះទេបេក្ខជនមិនអាចផ្ញើពាក្យមកកម្មវិធីបានឡើយ

• រាល់ព័ត៌មានផ្ទាល់ខ្លួនរបស់បេក្ខជន (លើកលែងមានការព្រមព្រៀង) នឹងមិនត្រូវបានផ្សព្វផ្សាយក្នុងគោលបំណងណាមួយឡើយ

• បេក្ខជនដែលចុះឈ្មោះ ត្រូវតែជាបុគ្គលឡើងទទួលពានរង្វាន់តំណាងស្ថាប័នក្នុងលក្ខខណ្ឌទទួលជ័យលាភី  មានពេលវេលាចូលរួមវគ្គ​​ត្រៀមខ្លួនប្រកួត និង​ចូលរួមឡើងធ្វើបទបង្ហាញអាជីវកម្ម

• បេក្ខជនដែលមិនមែនជាម្ចាស់អាជីវកម្ម ប៉ុន្តែឈរឈ្មោះប្រកួតតំណាងអាជីវកម្មតម្រូវឲ្យភ្ជាប់ជាមួយលិខិតបញ្ជាក់ផ្ទេរសិទ្ធិតំណាងក្នុងការ ប្រកួតពីម្ចាស់អាជីវកម្ម

• បេក្ខជនត្រូវយល់ព្រមចែករំលែកឯកសារបទបង្ហាញមកក្រុមការងារ ដើម្បីធ្វើការរៀបចំដំណើរការប្រកួត

• យល់ព្រមក្នុងការដែលក្រុមការងារថតរូប ថតវីដេអូ ផ្តល់កិច្ចសម្ភាស ក្នុងគោលបំណងផ្សព្វផ្សាយនានា​ ក៏ដូចជារក្សាទុក បោះពុម្ព ចែករំលែកអំពីកម្មវិធីនាពេលអនាគត

• អនុញ្ញាតិឲ្យអ្នករៀបចំកម្មវិធីផ្ដល់រូបភាព ឈ្មោះនិងស្ថាប័នរបស់អ្នកទៅកាន់តតិយជនដូចជា ភ្នាក់ងាររចនាក្រាហ្វិក និងដៃគូក្នុងស្រុក រួមបញ្ជូលទាំងម្ចាស់ជំនួយផ្សេងៗក្នុងគោលបំណងផលិតចែករំលែកអំពីកម្មវិធីគាំទ្រ

• អំឡុងពេលប្រកួត ឬក្រោយបញ្ជប់ការប្រកួតក្នុងរយៈពេល៦ខែ ប្រសិនបើអ្នករៀបចំកម្មវិធី បានរកឃើញថា បេក្ខជនបានផ្តល់នូវព័ត៌មានមិនពិត ឬល្មើសប្រការណាមួយដែលបានកំណត់ អ្នករៀបចំកម្មវិធីមានសិទ្ធដើម្បីដកបេក្ខជនចេញពីការប្រកួត ហើយត្រូវបង្វិលមកវិញនូវប្រាក់រង្វាន់ដែលបានឈ្នះ ឬផ្ដល់ជូនដោយកម្មវិធី

• ក្រុមការងារលើកទឹកចិត្តដល់បេក្ខជនដែលផ្តល់ឯកសារបន្ថែមគ្រប់គ្រាន់ ក្នុងការដាក់ពាក្យប្រកួត

• ក្រុមការងាររក្សាសិទ្ធិកែប្រែ ដោយមិនចាំបាច់ជម្រាបទុកជាមុន។

នៅចំាអីទៀត បេក្ខជនដែលមានចំណាប់អារម្មណ៍អាចដាក់ពាក្យតាមតំណភ្ជាប់នេះ https://forms.gle/UQBWiPfiC5wySPmW8
ចំពោះព័ត៌មានបន្ថែម~ 095573167 ឬចូលទៅកាន់តេឡេក្រាម https://t.me/KESMEsAward
—————————————–

Join us on Telegram Channel: https://t.me/+w84MlB8KVKVjMDBlសហគ្រិនខ្មែរមានចក្ខុវិស័យក្លាយជាថ្នាលជាតិសម្រាប់ការលើកកម្ពស់គ្រប់សកម្មភាពរបស់វិស័យ សហគ្រិនភាព។
#KeSMEsAwards2024 #khmerenterprise #KE #SMEs

(English) ចុះឈ្មោះចូលរួមឥឡូវនេះ!

ចូលរួមទទួលទានកាហ្វេក្នុងកម្មវិធីកិច្ចសន្ទនាកាហ្វេ (Friday Coffee Talk) ដើម្បីផ្សារភ្ជាប់ទំនាក់ទំនង បង្កើតបណ្តាញអាជីវកម្ម  និងទទួលបានព័ត៌មានផ្សេងៗសម្រាប់អាជីវកម្មរបស់អ្នកជាមួយ លោក ឡេង វីរៈ ដែលនឹងចែករំលែកពីប្រធានបទ៖ របៀបទទួលបានកម្ចីអាជីវកម្មបានជោគជ័យ និងកម្ចីអត់ទ្រព្យធានា។

កាលបរិច្ឆេទ៖ ថ្ងៃសុក្រ ទី២១ ខែមិថុនា ឆ្នាំ២០២៤

វេលាម៉ោង៖ ១:៣០ ដល់ ៤:៣០នាទីល្ងាច
ទីតាំង៖ Canadia Bank Smart Banking Head Office

ពិធីអបអរសាទរខួប១៥ឆ្នាំនៃការបង្កើត សមាគមសហគ្រិនវ័យក្មេងកម្ពុជា & ១០ឆ្នាំនៃការបង្កើតសាខា ខេត្តសៀមរាប

ពិធីអបអរសាទរខួប១៥ឆ្នាំនៃការបង្កើត សមាគមសហគ្រិនវ័យក្មេងកម្ពុជា & ១០ឆ្នាំនៃការបង្កើតសាខា ខេត្តសៀមរាប

(English) ហេតុអ្វីការ អនុលោមភាពតាមច្បាប់ការងារ ចូលរួមចំណែកយ៉ាងធំធេង ក្នុងការអភិវឌ្ឍន៍អាជីវកម្មរបស់អ្នក?
តោះស្វែងយល់ ទាំងអស់ ក្នុង វគ្គបណ្តុះបណ្តាល ស្តីពី យុទ្ធសាស្ត្រអភិវឌ្ឍអាជីវកម្ម តាមរយៈអនុលោមភាពច្បាប់ស្តីពីការងារ។

នៅចាំអីទៀត ចុះឈ្មោះតាមរយះតំណរភ្ជាប់នេះ https://shorturl.at/sJL67 រឺស្កេនQR

កាលបរិច្ឆេទ៖ ថ្ងៃទី១៧ ខែកុម្ភៈ ឆ្នាំ២០២៤
ពេលវេលា៖ ៨ព្រឹក-៥ល្ងាច (មានអាហារថ្ងៃត្រង់)
ទីតាំង៖ សណ្ឋាគារអូឡាំព្យាស៊ីធី ទីក្រុងភ្នំពេញ

ចូលរួមទទួលទានអាហារថ្ងៃត្រង់ដោយឥតគិតថ្លៃ ជាមួយសមាជិកសមាជិកា YEACគោលបំណងនៃកម្មវិធី៖
១. ពិសារអាហារថ្ងៃត្រង់ជុំគ្នា
២. ពិធីប្រគល់វិញ្ញាបនបត្រជូនសមាជិក
៣. បង្កើតបណ្ដាញទំនាក់ទំនង និងពិភាក្សាអាជីវកម្ម
4. ស្វែងយល់អំពីផែនការយុទ្ធសាស្ត្រសមាគម ថ្ងៃសុក្រ ទី០២ ខែកុម្ភៈ ឆ្នាំ២០២៤
ចាប់ពីម៉ោង ១១៖៣០ព្រឹក ដល់ម៉ោង ៤៖០០នាទីរសៀល
ទីតាំង៖ LUMHOR លំហ (BKK)
ផុតកំណត់ទទួលការចុះឈ្មោះនៅថ្ងៃទី៣១ ខែមករា ឆ្នាំ២០២៣

កិច្ចពិភាក្សាពីវាគ្មិនកិត្តិយស អំពី “ទស្សនៈពីគ្រឹះស្ថានហិរញ្ញវត្ថុ និងស្វែងយល់ពីហិរញ្ញប្បទានសម្រាប់ សហគ្រាសធុនមីក្រូ តូច និងមធ្យម”

ចូលរួមដោយឥតគិតថ្លៃសម្រាប់ម្ចាស់អាជីវកម្ម (MSMEs)

YEAC, CMA និង ABC បានសហការរៀបចំកម្មវិធីនេះឡើងក្នុងគោលបំណងផ្សារភ្ជាប់ស្ថាប័នហិរញ្ញវត្ថុ ជាមួយម្ចាស់អាជីវកម្ម ដើម្បីស្វែងយល់ពីតម្រូវការជាក់លាក់ និងបញ្ហាប្រឈមរបស់ម្ចាស់អាជីវកម្ម ក្នុងន័យធ្វើអោយប្រសើរឡើងនៃលទ្ធភាពទទួលបានហិរញ្ញប្បទាន។

ព័ត៌មានលម្អិតនៃកម្មវិធី៖
ថ្ងៃទី២៩ ខែកញ្ញា ឆ្នាំ២០២៣
ចាប់ពីម៉ោង ១៖០០នាទីរសៀល ដល់ម៉ោង ៩៖០០នាទីយប់
Cocktail Reception
ទីតាំង៖ មជ្ឈមណ្ឌលអភិវឌ្ឍធុរកិច្ច (ជាន់ទី ១៥)

(English) សម្រាប់សមាជិកសមាជិកាដែលត្រូវការហិរញ្ញប្បទាន (Access to Finance)

វគ្គបណ្តុះបណ្តាលស្ដីពី «Workshop on Movable Asset Finance»

Lecturer:
Mr. Jingchang Lai, Principle Operations Officer, Asia and Pacific, Financial Institutions Group, IFC.
Mr. Sim Chankiriroth, FCCA, CPA, CGMA, ACMA CEO & Founder, Banhji FinTech Co., Ltd.

ព័ត៌មានលម្អិតនៃវគ្គបណ្តុះបណ្តាល
ថ្ងៃទី១១ ខែកញ្ញា ឆ្នាំ២០២៣
ចាប់ពីម៉ោង ៨៖៣០នាទីព្រឹក ដល់ ១២៖០០ នាទីរសៀល
ទីតាំង៖ សណ្ឋាគារភ្នំពេញ (Phnom Penh Hotel)
https://maps.app.goo.gl/XxPRsvkDMnsoJw2v5?g_st=ic

ចូលរួមចំណែក $25 សម្រាប់អាហារថ្ងៃត្រង់ អាហារសម្រន់ សម្រាប់អ្នកចូលរួមសិក្សានៅទីតាំងផ្ទាល់
ចូលរួមចំណែក $15 សម្រាប់អ្នកចូលរួមសិក្សាតាមរយៈ Zoom

(English) ចង់ស្វែងយល់ឱ្យកាន់តែច្បាស់អំពីដំណើរការចូលទៅកាន់ទីផ្សារក្នុងស្រុក និងទីផ្សារអន្តរជាតិ ក៏ដូចជាការធ្វើពាណិជ្ជកម្មឆ្លងដែន សូមកុំភ្លេចអញ្ជើញចូលរួមស្ដាប់កិច្ចពិភាក្សា និងការចែករំលែកពីវាគ្មិនជំនាញៗដែលធ្លាប់មានបទពិសោធដោយផ្ទាល់ក្នុងវិស័យនេះ។កាន់តែពិសេស កម្មវិធីក៏ការតាំងបង្ហាញស្តង់ពិព័រណ៍ផលិតផលជាង ១០០ ស្តង់ទៀតផង។ ចូលរួមគាំទ្រផលិតផលខ្មែរទាំងអស់គ្នា!!!កិច្ចពិភាក្សានេះ ធ្វើឡើងជាផ្នែកមួយនៃការអបអរសាទរ “ទិវាសហគ្រាសធុនមីក្រូ តូច និងមធ្យម សកល ២០២៣” ក្រោមប្រធានបទ “ភាពធន់ និងការកសាងសហគ្រាសធុនមីក្រូ តូច និងមធ្យមឡើងវិញ សម្រាប់ការអភិវឌ្ឍប្រកបដោយនិរន្តរភាព”។ ចុះឈ្មោះចូលរួមដោយឥតគិតថ្លៃ៖ https://bit.ly/3Phe0WD

អំពីកម្មវិធី៖
ថ្ងៃទី២៨ ខែមិថុនា ឆ្នាំ២០២៣
ផ្សារទំនើបអូឡាំព្យា ជាន់ផ្ទាល់ដី រាជធានីភ្នំពេញ

ទិវាសហគ្រាសធុនមីក្រូ តូច និងមធ្យម សកល ២០២៣

អបអរសាទរ “ទិវាសហគ្រាសធុនមីក្រូ តូច និងមធ្យម សកល ២០២៣” និងការតាំងបង្ហាញស្តង់ពិព័រណ៍ផលិតផលជាង ១០០ស្តង់ នៅផ្សារទំនើបអូឡាំព្យា ជាន់ផ្ទាល់ដី ចាប់ពីថ្ងៃ២៧ ដល់ ២៨ ខែមិថុនា ឆ្នាំ២០២៣។ ប្រធានបទ “ភាពធន់ និងការកសាងសហគ្រាសធុនមីក្រូ តូច និងមធ្យមឡើងវិញ សម្រាប់ការអភិវឌ្ឍន៍ប្រកបដោយនិរន្តរភាព”។ក្រោមអធិបតីភាពដ៏ខ្ពង់ខ្ពស់ ឯកឧត្តមកិត្តិសេដ្ឋាបណ្ឌិត  ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ថ្ងៃទី២៧ ខែមិថុនា មហាសន្និបាតអង្គការសហប្រជាជាតិបានកំណត់យកជាទិវាសហគ្រាសធុនមីក្រូ តូច និងមធ្យម ដើម្បីលើកកម្ពស់ការយល់ដឹងអំពីការចូលរួមចំណែកជំរុញអាជីវកម្មខ្នាតតូច និងមធ្យមឲ្យមានកំណើនសេដ្ឋកិច្ចជាតិប្រកប​ដោយ​ចីរភាព។ វិស័យសហគ្រាសធុនតូច និងមធ្យម ដើរតួនាទីយ៉ាងសំខាន់ក្នុងកំណើនសេដ្ឋកិច្ចប្រកបដោយចីរភាព ការរួមបញ្ចូល និងកំណើនសេដ្ឋកិច្ចធន់ វិបុលភាព និងការងារសមរម្យសម្រាប់ទាំងអស់គ្នា។

ក្នុងនាមជាស្ថាប័នជាតិសម្របសម្រួលលើវិស័យសហគ្រាសធុនតូន និងមធ្យម ក្រសួងឧស្សាហកម្ម​ វិទ្យាសាស្រ្ត    បច្ចេកវិទ្យា និងនវានុវត្តន៍ សហការជាមួយទីភ្នាក់ងារសហប្រតិបត្តិការអន្តរជាតិអាល្លឺម៉ង់ (GIZ) សមាគម សហគ្រិនវ័យក្មេងកម្ពុជា (YEAC) ​​​ និង​សមាគមសហគ្រិនស្ត្រីកម្ពុជា (CWEA) ព្រមទាំងដៃគូសហការមួយចំនួន នឹងរៀបចំកម្មវិធីអបអរសាទរទិវាជាតិសហគ្រាសធុនមីក្រូ តូច និងមធ្យម ឆ្នាំ២០២៣​ ដើម្បីផ្តល់នូវវេទិការជជែកពិភាក្សាលើបញ្ហាប្រឈមជុំវិញដែលកើតមានក្រោយការរាតត្បាតនៃជំងឺកូវីដ១៩ និងជាធាតុចូលសំខាន់ៗដើម្បីជំរុញសេដ្ឋកិច្ច និងអាជីវកម្មក្នុងស្ថានភាពធម្មតា និងបែបប្រព័ន្ធថ្មី។ លើសពីនេះ សហគ្រាសធុនតូច និងមធ្យម ក្នុងស្រុកនឹងមានឱកាសផ្គូផ្គង​ និងបង្ហាញផលិតផល សេវាកម្ម និងអាចតភ្ជាប់បណ្តាញដើម្បីពង្រីកអាជីវកម្មរបស់ពួកគេ ដើម្បីទទួលបានទីផ្សារថ្មី។

គោលបំណង

សម្របសម្រួលការផ្លាស់ប្តូរបទពិសោធន៍ និងមេរៀនស្តីពីការពង្រឹងការយល់ដឹង និងសមត្ថភាពរបស់អ្នកបង្កើតគោលនយោបាយ និងសហគ្រាសធុនមីក្រូ តូច និងមធ្យម ក្នុងការសម្រេចបាននូវការស្តារឡើងវិញដោយត្រឹមត្រូវ និងចីររភាព ដែលរួមចំណែកដល់ការសម្រេចអោយបានគោលដៅអភិវឌ្ឍន៍ប្រកបដោយចីរភាព (SDGs) ។

ពិនិត្យមើលចន្លោះប្រហោង (អ្វីដែលបានដំណើរការ) និង តំណភ្ជាប់ដែលបាត់ (អ្វីដែលមិនដំណើរការ) និងពិភាក្សាអំពីឱកាសសម្រាប់ការពង្រឹងភាពធន់សហគ្រាសធុនមីក្រូ តូច និងមធ្យម និងចួលរួមចំណែក ក្នុងការពន្លឿនការសម្រេចបាននូវរបៀបវារៈឆ្នាំ២០៣០ សម្រាប់ការអភិវឌ្ឍន៍ប្រកបដោយចីរភាព និង អាទិភាពនៃការអភិវឌ្ឍន៍ជាតិនៅកម្ពុជា ឧ៖ IDP ។

ចូលរួមជជែកពិភាក្សាថ្នាក់ជាតិ និងថ្នាក់តំបន់ ស្តីពីសហគ្រាសធុនមីក្រូ តូច និងមធ្យម ក្នុងការស្តារឡើងវិញក្រោយជំងឺរាតត្បាត រួមទាំងតាមរយៈនិរន្តរភាពបរិស្ថាន និងការផ្តល់សិទ្ធិអំណាចដល់យុវជន ស្ត្រី ជនចំណាកស្រុក និងជនភៀសខ្លួន។

បង្កើតកន្លែងសម្រាប់ធ្វើសកម្មភាព ផ្តល់នូវអនុសាសន៍ និងឧបករណ៍ជាក់ស្តែងដែលនាំទៅរកគោលនយោបាយ និងវិធានការគោលដៅបន្ថែមទៀត រួមទាំងកញ្ចប់ជំរុញគាំទ្រទឹកចិត្ត ប្រព័ន្ធអេកូឡូស៊ី និងឱកាសសម្រាប់សហគ្រាសធុនមីក្រូ តូច និងមធ្យម ជាពិសេសសហគ្រាសធុនមីក្រូ តូច និងមធ្យម ដែលគ្រប់គ្រងដោយស្រ្តី​ និងយុវជន ព្រមទាំងសហគ្រាសធុនមីក្រុ តូច និងមធ្យម ដែលមាននិរន្តរភាព។

ពិភាក្សាជាយុទ្ធសាស្ត្រ និងឯកភាពលើសកម្មភាពកិច្ចសហប្រតិបត្តិការបច្ចេកទេសគោលដៅ និងគាំទ្រដែលចាំបាច់ត្រូវអនុវត្តរួមគ្នាជាមួយរដ្ឋាភិបាល ភាគីពាក់ព័ន្ធឯកជន និងដៃគូអភិវឌ្ឍន៍ ដើម្បីកែលម្អបរិយាកាសអំណោយផល។

កម្មវិធីនេះនឹងមានការជជែកពិភាក្សាតុមូលលើប្រធានបទសំខាន់ៗ ដោយមានការចូលរួមពីវាគ្មិនជំនាញៗ ដែលផ្តោតជារួម លើភាពធន់ និងការកសាងសហគ្រាសធុនមីក្រូ តូច និងមធ្យមឡើងវិញ សម្រាប់ការអភិវឌ្ឍប្រកបដោយនិរន្តរភាព។

សូមធ្វើការស្កែន QR Code នៅលើប័ណ្ណផ្សព្វផ្សាយដើម្បីចុះឈ្មោះចូលរួម ឬតាមរយៈតំណរភ្ជាប់នេះhttps://bit.ly/3Phe0WD

អំពីកម្មវិធី៖

២៧ ដល់ ២៨ ខែមិថុនា ឆ្នាំ២០២៣

ផ្សារទំនើបអូឡាំព្យា ជាន់ផ្ទាល់ដី រាជធានីភ្នំពេញ

ចូលរួមដោយសេរី

nfo@bizinfo.com.kh

#MSMEsDay2023 #Cambodia #AseanAccess #KhmerSME #MISTI #YEAC

សមាគមសហគ្រិនវ័យក្មេងកម្ពុជា (YEAC) សូមគោរពអញ្ជើញសមាជិក សមាជិកាទាំងអស់របស់សមាគម ចូលរួមក្នុងកម្មវិធី “សន្និបាទពាក់កណ្តាលឆ្នាំ និងបោះឆ្នោតជ្រើសតាំងក្រុមប្រឹក្សាភិបាលអាណត្តិ ២០២៤ -២០២៦” និង “វេទិកាជួបជុំសមាជិក និងលៀងសាយភោជន៍របស់សមាគមសហគ្រិនវ័យក្មេងកម្ពុជា”។ កម្មវិធីដ៏វិសេសវិសាលនេះ នឹងទទួលបានការអញ្ជើញចូលរួមជាអធិបតីភាពដ៏ខ្ពង់ខ្ពស់ពីសំណាក់ ឯកឧត្តម នាយឧត្តមសេនីយ៍ ហ៊ុន ម៉ាណែត អគ្គមេបញ្ជាការរងនៃខភម មេបញ្ជាការកងទ័ពជើងគោកផងដែរ។

គោលបំណងនៃកម្មវិធី៖
– បោះឆ្នោតជ្រើសតាំងក្រុមប្រឹក្សាភិបាលសមាគមសហគ្រិនវ័យក្មេងកម្ពុជា
– បង្កើតបណ្ដាញទំនាក់ទំនងធុរកិច្ចជាមួយម្ចាស់អាជីវកម្ម មកពីគ្រប់វិស័យ
-ជួបជុំជាមួយថ្នាក់ដឹកនាំ និងពិសាអាហារពេលល្ងាច និង បង្កើនកិច្ចសហការរវាងវិស័យ ឯកជននិងរដ្ឋ

អំពីកម្មវិធី៖
ថ្ងៃទី២៦ ខែឧសភា ឆ្នាំ២០២៣
១:៣០រសៀល ដល់ម៉ោង ៩:០០ល្ងាច
០៩២ ២៧៣ ៦៤១
Sokha Exhibition and Convention Center

(English) សមាគមសហគ្រិនវ័យក្មេងកម្ពុជាសូមគោរពអញ្ជើញសមាជិក សមាជិការបស់សមាគមទាំងអស់ ចូលរួមកិច្ច “ជំនួបម្ចាស់អាជីវកម្មលើកទី១” ប្រចាំឆ្នាំ២០២៣ ក្រោមប្រធានបទ “លទ្ធភាពទទួលបានហិរញ្ញប្បទាន៖ ការរៀបចំសម្រាប់ទីផ្សារភាគហ៊ុន ទីផ្សារមូលធន និងហិរញ្ញប្បទានបំណុល”។

អត្ថប្រយោជន៍រួមមាន៖
១. ទទួលបានចំណេះដឹងថ្មីៗពីវាគ្មិនជំនាញៗមកពីវិស័យខុសៗគ្នា ជាពិសេសវិស័យហិរញ្ញវត្ថុ
២. បង្កើតបណ្ដាញទំនាក់ទំនងជាមួយម្ចាស់អាជីវកម្មដ៏មានសក្ដានុពលដទៃទៀត
៣. យល់ដឹងអំពីទីផ្សារភាគហ៊ុន ទីផ្សារមូលធន និងហិរញ្ញប្បទានបំណុល
៤. ទទួលបានឱកាសជជែកពិភាក្សាដោយផ្ទាល់ជាមួយស្ថាប័នហិរញ្ញវត្ថុ និងអត្ថប្រយោជន៍ជាច្រើនទៀត

ចុះឈ្មោះតាមរយៈតំណរភ្ជាប់៖ https://yeacambodia.page.link/epeDycayAusjbKuf8

អំពីកម្មវិធី៖
កាលបរិច្ឆេទ៖ ៣១ មីនា ២០២៣
ម៉ោង៖ ០៨:០០ព្រឹក ដល់ម៉ោង ០៦:០០ល្ងាច
ទីតាំង៖ ជាន់ទី១៥ អគារមជ្ឈមណ្ឌលអភិវឌ្ឍធុរកិច្ច
សម្រាប់ព័ត៌មានបន្ថែម៖ 092 273 641

កម្មវិធីសិក្សាជាស៊េរី ១៤ វគ្គ សំខាន់បំផុតសម្រាប់សហគ្រិន

លេខាធិការដ្ឋានសមាគមសហគ្រិនវ័យក្មេងកម្ពុជាសូមអញ្ជើញសមាជិក សមាជិកាទាំងអស់ចូលរួមក្នុងវគ្គសិក្ខាសាលាពិសេសសម្រាប់សហគ្រិន “YEAC Business Development Seminar for Members” ដែលមានសរុបចំនួន ១៤ វគ្គដូចខាងក្រោម៖

1. Labor Law Compliance
2. Entrepreneur Mind Setting and Values Formation
3. Marketing and Digital Platforms
4. Business Model Canvas
5. Business Expansion and Growth Strategies
6. Operations Management
7. Digital Communication & Management Platforms and Systems for Business
8. Supply and Value Chain
9. Entrepreneurial Accounting and Financial Management
10. Human Resource and Organizational Management
11. Product Development and Innovation
12. Corporate Governance
13. Introduction to Inclusive Business
14. Introduction to Green Business

ចុះឈ្មោះចូលរួមតាមតំណរភ្ជាប់ខាងក្រោម
https://docs.google.com/forms/d/1Nram9SbSAEAm9fRUgrD7JtqtQadn2wB1JOYAECNFFJY/edit

ការចូលរួមវិភាគទានសម្រាប់អាហារសម្រន់ និងវគ្គបណ្ដុះបណ្ដាល៖
សិក្សានៅទីតាំងផ្ទាល់ $25 ក្នុង១វគ្គ
សិក្សាពីចម្ងាយតាមរយៈ Zoom $15 ក្នុង១វគ្គ
សម្រាប់អ្នកចុះឈ្មោះនិងទូទាត់មុនថ្ងៃទី២០ ខែកុម្ភៈ នឹងទទួលបានការបញ្ចុះតម្លៃពិសេស

ចាប់ពីខែមីនា ដល់ខែធ្នូ ឆ្នាំ២០២៣
ទីតាំង៖ មជ្ឈមណ្ឌលអភិវឌ្ឍសហគ្រិនវ័យក្មេង

សូមជម្រាបសួរ

លេខាធិការដ្ឋានសមាគមសហគ្រិនវ័យក្មេងកម្ពុជា សូមអញ្ជើញសមាជិកសមាជិកាចូលរួមក្នុង <<វេទិកាសហព័ន្ធសហគ្រិនកម្ពុជា>> ក្រោមអធិបតីភាព ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជការកងទ័ពជើងគោក។

គោលបំណង៖ ពិភាក្សា ប្រមូលធាតុចូល ចែករំលែកបទពិសោធន៍និងចំណេះដឹងផ្សេងៗដែលពាក់ព័ន្ធនឹងវិស័យជំនួញរឺធុរកិច្ច ក៏ដូចជាជួបជុំពិសាអាហារសាមគ្គី ដើម្បីពង្រីកបណ្តាញរៀងៗខ្លួន និងបង្កើតទំនាក់ទំនងថ្មីជាមួយសហគ្រិនដទៃទៀត ក្នុងការឈ្វេងយល់ និងរៀនសូត្រពីគ្នាទៅវិញទៅមកលើបញ្ហាអាជីវកម្មនានា។

ព័ត៌មានលម្អិតនៃកម្មវិធី៖
ថ្ងៃទី២៦ ខែកុម្ភៈ ឆ្នាំ២០២៣
ចាប់ផ្តើមពីម៉ោង ៤៖០០នាទី រសៀល
ទីតាំង៖ មជ្ឈមណ្ឌលសន្និបាត និងពិព័រណ៍កោះពេជ្យ (អគារ I+J+K)

សូមជម្រាបសួរ

លេខាធិការដ្ឋានសមាសហគ្រិនវ័យក្មេងកម្ពុជាសូមគោរពអញ្ជើញសមាជិក សមាជិកាចូលរួមក្នុងកម្មវិធី “សន្និបាតបូកសរុបការងារប្រចាំឆ្នាំ ២០២២”។

នៅក្នុងកម្មវិធីនេះផងដែរ នឹងមានការដាក់ឲ្យដំណើការមឈ្ឈមណ្ឌលអភិវឌ្ឍសហគ្រិនវ័យក្មេង(YEDC) និងកិច្ចពិភាក្សាពិសេសទាក់ទងនឹង “Entrepreneurs Eco-system in Cambodia” ដែលមានការអញ្ជើញចូលរួមពី ៖
ឯកឧត្តម សំហេង បូរ៉ា
ឯកឧត្តម អ៊ឹម សុខធី
ឯកឧត្តម ជា កុកហុង
អ្នកស្រី គង់ ដារ៉ែន
ឯកឧត្តមបណ្ឌិត ឈៀង វណ្ណមុនិណ្ឌ
ឯកឧត្តមបណ្ឌិត តាំង ងួនលី

ព័ត៌មានលម្អិតនៃកម្មវិធី៖
ចូលរួមដោយឥតគិតថ្លៃ
កាលបរិច្ឆេទ៖ ថ្ងៃទី០៣ ខែកុម្ភៈ ឆ្នាំ២០២៣
ចាប់ផ្តើមពីម៉ោង ១៖០០ រសៀល រហូតដល់ម៉ោង៩៖០០នាទីយប់
ទតាំង៖ មជ្ឈមណ្ឌលអភិវឌ្ឍធុរកិច្ច
https://maps.app.goo.gl/BcTcjb2ddBMXXset5?g_st=ic

ភ្នំពេញ៖ នាថ្ងៃទី២៦ ខែសីហា ឆ្នាំ២០២២ ក្នុងឱកាសកិច្ចជំនួបសមាជិកសមាជិកាដែលជាម្ចាស់អាជីវកម្មលើកទី៣ប្រចាំឆ្នាំ២០២២ (3rd CEO Gathering 2022) ដែលបានប្រារព្ធធ្វើឡើងនៅផ្សារទំនើបអូឡាំព្យាម៉ល (Olympia Mall) សមាគមសហគ្រិនវ័យក្មេងកម្ពុជា (YEAC) បានបានចុះហត្ថលេខាលើអនុស្សរណៈនៃការយោគយល់គ្នាជាមួយនិយ័តករបរធនបាលកិច្ច(ន.ប.ធ) ដើម្បីលើកកិច្ចសហប្រតិបត្តិការលើកកម្ពស់ការយល់ដឹង និងជំរុញឱ្យមានការចូលរួមរបស់សហគ្រិនវ័យក្មេងកម្ពុជា នៅក្នុងវិស័យបរធនបាលកិច្ចនៅកម្ពុជា។
ការចុះហត្ថលេខាលើអនុស្សរណៈនេះ ត្រូវបានធ្វើឡើងដោយវត្តមានដ៏ខ្ពង់ខ្ពស់រវាងលោក ស៊ាង សុបញ្ញា ប្រធានសមាគមសហគ្រិនវ័យក្មេងកម្ពុជា និងជាប្រធានក្រុមប្រឹក្សាសហគ្រិនវ័យក្មេងអាស៊ានឆ្នាំ២០២២ និង ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច។
ក្នុងពិធីចុះអនុស្សរណៈនៃការយោគយល់គ្នានេះ លោក ស៊ាង សុបញ្ញា បានមានប្រសាសន៍ថា “ពិធីចុះហត្ថលេខាលើអនុស្សរណៈនៃការយោគយល់គ្នាលើកិច្ចសហប្រតិបត្តិការនាពេលនេះ ជាសញ្ញាវិជ្ជមានមួយ ដែលបង្ហាញពីការជួយជ្រោមជ្រែង និងលើកកម្ពស់វិស័យឯកជន ជាពិសេសសហគ្រាសធុនមីក្រូ តូច និងមធ្យម (MSMEs) នៅក្នុងប្រទេសកម្ពុជា ឱ្យមានវឌ្ឍនភាពក្នុងកិច្ចការអាជីវកម្មរបស់ខ្លួនបន្ថែមទៀត”។
គួរដឹងដែរថា ការចុះហត្ថលេខាលើអនុស្សរណៈនៃការយោគយល់គ្នាក្នុងកិច្ចជំនួបម្ចាស់អាជីវកម្មដ៏មានសារៈសំខាន់នេះ ជាចំណែកចូលរួមអភិវឌ្ឍវិស័យបរធនបាលកិច្ចនៅប្រទេសកម្ពុជា តាមរយៈការលើកកម្ពស់ ការយល់ដឹង ការត្រៀមខ្លួន និងការធ្វើប្រតិបត្តិការបរធនបាលកិច្ច តាមរយៈការលើកទឹកចិត្ត និងជំរុញសហគ្រិនវ័យក្មេងនៅកម្ពុជាចូលរួមផ្សព្វផ្សាយអំពីវិស័យបរធនបាលកិច្ច ក៏ដូចជាចូលរួមវិនិយោគក្នុងវិស័យនេះផងដែរ។

https://t.me/YEACambodia for more information
#IloveYEAC
#YEAC
#AYEC
#ASEANYoungEntrepreneursCarnival

Phnom Penh: On the morning of April 1, 2022, the Cambodian Young Entrepreneurs Association, the Cambodian Banking Association and the Cambodian Microfinance Association jointly organized the launching ceremony of the “Access to Finance” program in order to improve access to finance for Small and Medium Enterprises and Women Entrepreneurs in Cambodia. Eighty entrepreneurs participated in the event, and 150 remote participants participated in the event.
The event was well attended by Lok Chumteav Dr. Chea Serey, Assistant Governor and Technical Director General of the National Bank of Cambodia, who was honored to chair and give a lecture on the overview of the Cambodian financial market.

March 31, 2022 – Young Entrepreneurs Association of Cambodia (YEAC) organizes the first CEO Gathering 2022 under the theme “New Investment Law” in order to share important knowledge and information about the new investment law and meetings with members of the association to show the progress and future plans of the association.
The event was attended by His Excellency Sok Chenda Sophea, Minister Delegate to the Prime Minister and Secretary General of the Council for the Development of Cambodia, who gave a special lecture on the new investment law.

នាព្រឹកថ្ងៃទី១៨ ខែមីនា ឆ្នាំ២០២២ នៅសម្ព័ន្ធក្រុមហ៊ុន អាយ អេស អាយ គ្រុប (ISI GROUP) គណៈប្រតិភូសមាគមសហគ្រិនវ័យក្មេងកម្ពុជា ដឹកនាំដោយ លោក ស៊ាង សុបញ្ញា ប្រធានសមាគមសហគ្រិនវ័យក្មេងកម្ពុជា និង ជាប្រធានក្រុមប្រឹក្សាសហគ្រិនវ័យក្មេងអាស៊ានឆ្នាំ២០២២ ក្រុមប្រឹក្សាភិបាល និងថ្នាក់ដឹកនាំសមាគម បានចូលជួប និងប្រគល់ជូននូវពានកិត្តិយសសហគ្រិនឯកជន ឆ្នើមឆ្នាំ២០២១ ជូនលោក កាំង ឡេង អគ្គនាយកសម្ព័ន្ធក្រុមហ៊ុន អាយ អេស អាយ គ្រុប (ISI GROUP) ដែលជាថ្នាក់ដឹកនាំ និងជាបគ្គលឆ្នើមក្នុងវិស័យឯកជនដែលមានមានចក្ខុវិស័យវែងឆ្ងាយ មានការគ្រប់គ្រងហិរញ្ញវត្ថុល្អ ជាពិសេសក្នុងការត្រៀមរៀបចំទុន និងបែងចែកទុនបំរ៉ុង សម្រាប់វិនិយោគដល់សហគ្រិន និងអាជីវកម្មបង្កើតថ្មី (Start-Up) ជាច្រើន។

នារសៀលថ្ងៃទី ១១ ខែមិនា ឆ្នាំ២០២២ នៅវិទ្យាស្ថានចក្ខុវិស័យអាស៊ី សមាគមសហគ្រិនវ័យក្មេងកម្ពុជាដឹកនាំដោយ លោក ស៊ាង សុបញ្ញា ប្រធានសមាគមសហគ្រិនវ័យក្មេងកម្ពុជា និង ជាប្រធានក្រុមប្រឹក្សាសហគ្រិនវ័យក្មេងអាស៊ានឆ្នាំ២០២២ និងក្រុមប្រឹក្សាភិបាល ថ្នាក់ដឹកនាំសមាគម បានចូលជួប និងប្រគល់ជូននូវពានកិត្តិយសសហគ្រិនសង្គមឆ្នើម ឆ្នាំ២០២១ ជូន លោកឯកឧត្តមបណ្ឌិត សុក ស៊ីផាន់ណា ប្រឹក្សាជាន់ខ្ពស់នៃរាជរដ្ឋាភិបាលកម្ពុជា និងជា ប្រធានក្រុមប្រឹក្សាភិបាលនៃវិទ្យាស្ថានចក្ខុវិស័យអាស៊ី ដែលជាថ្នាក់ដឹកនាំឆ្នើម ក្នុងការកសាងស្នាដៃធំធេងជាច្រើនក្នុងការផ្តល់បទពិសោធន៍និងចំណេះដឹងជាច្រើនតាមរយៈការសិក្សាស្រាវជ្រាវ និងចូលរួមចំណែកយ៉ាងសកម្មក្នុងការរៀបចំគោលនយោបាយ និងច្បាប់ សម្រាប់វិស័យធុរកិច្ច ពាណិជ្ជកម្ម និងការវិនិយោគនៅកម្ពុជា។

សមាគមសហគ្រិនវ័យក្មេងកម្ពុជា បានផ្តួចផ្តើម និងអនុវត្ត កម្មវិធីលទ្ធភាពទទួលបានហិរញ្ញវត្ថុសម្រាប់សហគ្រាស ធុនមីក្រូ តូច និងមធ្យម (AFP) ដោយមានការសហការឧបត្ថម្ភថវិកាពីសហគ្រិនខ្មែរ និងគម្រោងមូលនិធិទឹកប្រាក់ចំនួន១លានដុល្លា ររបស់ក្រុមហ៊ុនស្មាត ដើម្បីប្រឆាំងវីរុសកូវីដ-១៩ ក្នុងគោលបំណងផ្តល់ជំនួយបច្ចេកទេសទៅកាន់សហគ្រាសធុនមីក្រូ តូច និង មធ្យម ក្នុងការដាក់ពាក្យកម្ចីទៅស្ថាប័នហិរញ្ញវត្ថុនានា។

រយៈពេល១៦ខែ ក្រោយកិច្ចដំណើរការកម្មវិធី AFP សហគ្រិនចំនួន ២៣២នាក់ បានចូលរួមក្នុងកម្មវិធី និងបានទទួលទឹកប្រាក់កម្ចីចំនួន ៩៨០ ០០០ ដុល្លា ដែលផ្តល់ដោយស្ថាប័នហិរញ្ញវត្ថុ។ ក្រៅពីបានទទួលកម្ចីហិរញ្ញវត្ថុ ស្គ្រិនទាំងអស់ បានទទួលការកសាងសមត្ថភាព តាមរយៈវគ្គបណ្តុះបណ្តាលអំពីការគ្រប់គ្រងសាច់ប្រាក់ ទុកបង្វិល ពិសេសការស្វែងយល់អំពីរបាយការណ៍ហិរញ្ញវត្ថុរបស់សហគ្រាសធុនមីក្រូ តូច និងមធ្យម (MSMEs)។ ដោយឡែក សហគ្រិនចំនួន ២៧នាក់ នៃសហគ្រិនសរុប បានទទួលជំនួយបច្ចេកទេសក្នុងការរៀបចំរបាយការណ៍ហិរញ្ញវត្ថុ និងអភិវឌ្ឍន៍ប្រព័ន្ធហិរញ្ញវត្ថុ ដែលបានផ្តល់ដោយក្រុមហ៊ុនបញ្ជី។

បន្ថែមពីកិច្ចការសម្របសម្រួល និងផ្តល់ជំនួយបច្ចេកទេសជូនដល់សហគ្រិន សមាគមសហគ្រិនវ័យក្មេងកម្ពុជាបានសម្រេចលទ្ធផលសំខាន់ៗដូចខាងក្រោម៖
– ផលិតសៀវភៅតូចអំពីមង្គុទេសធនាគារ ដែលផ្តល់ព័ត៌មានសំខាន់ៗដល់សហគ្រិនស្តីពីកម្ចីធុរកិច្ច និងMSMEs ដែលផ្តល់ភាពងាយស្រួលក្នុងការប្រៀបធៀបផលិតផលកម្ចី។ នេះគឺជាធាតុយ៉ាងសំខាន់ក្នុងការសម្រេចចិត្តដាក់សំណើកម្ចីទៅធនាគារណាមួយស្របនឹងលក្ខខណ្ឌរបស់សហគ្រិន។
– កិច្ចសហការជាមួយគ្រឹះស្ថានហិរញ្ញវត្ថុចំនួន៤ដែលផ្តល់កម្ចីពិសេសដល់សហគ្រិន
– រៀបចំសិក្ខាសាលាផ្សព្វផ្សាយព័ត៌មានអំពីកម្ចី ដោយមានវត្តមានពីអ្នកតំណាងមកពីធនាគារផ្សេងៗ ដើម្បីផ្តល់ព័ត៌មាន និងខ្លឹមសារសំខាន់ៗជូនដល់សហគ្រិន ក្នុងការត្រៀមលក្ខណៈដាក់ពាក្យកម្ជី។ ព័ត៌មានទាក់ទងនឹងឯកសារទាមទាពីធនាគារ ផលិតផលកម្ចីរបស់ធនាគារ លក្ខខណ្ឌតម្រូវផ្សេងៗដែត្រូវបំពេញ និងកញ្ចប់សេវាកម្មនានាជូនដល់សហគ្រិនផងដែរ។
ដោយមានកាគាំទ្រពីគណៈកម្មាធិការទី១ (គណៈកម្មធិការ ហិរញ្ញប្បទាន និងវិនិយោគសម្រាប់សហគ្រាស ខ្នាតមីក្រូ តូច និងមធ្យម) របស់សមាគមសហគ្រិនវ័យក្មេងកម្ពុជា សមាគមនឹងបន្តអនុវត្តកម្មវិធីលទ្ធភាពទទួលបានហិរញ្ញវត្ថុនេះបន្ថែមទៀត រួមមាន គម្រោងមូលិធិពិសេសសម្រាប់សហគ្រិន ការធ្វើបច្ចប្បន្នភាពកូនសៀវភៅស្តីអំពីមង្គុទេសធនាគារ ដោយដាក់បញ្ជូលបន្ថែមស្ថាប័នហិរញ្ញវត្ថុ និងកម្មវិធីកសាងសមត្ថភាពជុំវិញការគ្រប់គ្រងហិរញ្ញវត្ថុរបស់សហគ្រិន។
អំពី សមាគមសហគ្រិនវ័យក្មេងកម្ពុជា (YEACវ៉ាយអ៊ីអេស៊ី)

សមាគមសហគ្រិនវ័យក្មេងកម្ពុជា (YEAC វ៉ាយអ៊ីអេស៊ី) ត្រូវបានបង្កើតឡើងនៅ ខែកញ្ញា ឆ្នាំ ២០០៩ ដោយក្រុមសហគ្រិនវ័យក្មេង ដែលមកពីវិស័យអាជីវកម្មផ្សេងៗគ្នា នៅក្នុងប្រទេសកម្ពុជា។ សមាគមសហគ្រិនវ័យក្មេងកម្ពុជា បង្កើតឡើងជាសមាគម មិនរកប្រាក់ចំណេញ ដែលផ្តល់អំណាចដល់សហគ្រិនវ័យក្មេង ជាពិសេសសហគ្រិនស្ត្រី តាមរយៈការបង្កើតវេទិកា ការចងក្រង និងការពង្រឹងបណ្តាញសហគ្រិន ការចែករំលែកការរៀនសូត្រពីធុរកិច្ច និងការបង្កើតនូវឱកាសអាជីវកម្មនានា ក្នុងគោលដៅបង្កើនផលិតភាព បង្កើតការងារ អភិវឌ្ឍសេដ្ឋកិច្ចជាតិ និងកសាងសមត្ថភាពអ្នកជំនាន់ក្រោយសម្រាប់សេដ្ឋកិច្ចកម្ពុជា។

សមាគមសហគ្រិនវ័យក្មេងកម្ពុជាមានបេសកកម្មធ្វើការក្នុងភាពជាដៃគូសហការជាមួយអ្នកពាក់ព័ន្ធនានា ដើម្បីធានាអោយមានការប្រកួតប្រជែងថ្នាក់តំបន់ លើធុរកិច្ចបែបបច្ចេកវិទ្យាឌីជីថល អាជីវកម្មបែបពេញលេញ ការច្នៃប្រឌិត និងការតបង្កើតថ្មី របស់សហគ្រាសធុនមីក្រូ តូចនិងមធ្យម (MSMEs) នៅក្នុងប្រទេសកម្ពុជា។ បច្ចុប្បន្នសមាគមសហគ្រិនវ័យក្មេងមានសមាជិកចំនួន៤០០ ដែលជាម្ចាស់អាជីវកម្មខ្នាតតូច និងមធ្យម។ សមាគមមានសាខាតាមខេត្តចំនួន៤ គឺកំពង់ចាម សៀមរាប បាត់ដំបង និងបន្ទាយមានជ័យ។ សមាគមគ្រោងនឹងពង្រីកទៅកាន់ខេត្តផ្សេងទៀត ជាពិសេសខេត្តតាមបណ្តាមាត់សមុទ្រ និងខេត្តមួយចំនួនដែលមានសក្តានុពលខ្ពស់ និងមានធុរកិច្ចច្រើន៕
ព័ត៌មានបន្ថែមសូមទាក់ទងតាមរយៈលេខទូរស័ព្ទ ០៩៦ ៣៣៤ ៨៩៣៥